Pagdating ng Panahon

Lyrics:

Alam kong hindi mo pansin
Narito lang ako
Naghihintay na mahalin
Umaasa kahit di man ngayon
Mapapansin mo rin
Mapapansin mo rin
Alam kong hindi mo makita
Narito lang ako
Hinihintay lagi kita
Umaasa kahit di man ngayon
Hahanapin mo rin
Hahanapin mo din

Chorus:
Pagdating ng panahon
Baka ikaw rin at ako
Baka tibok ng puso ko'y maging tibok ng puso mo
Sana nga'y mangyari yon kahit di pa lang ngayon
Sana ay mahalin mo rin
Pagdating ng Panahon 

Alam kong hindi mo alam
Narito lang ako
Maghihintay kahit kailan
Nangangarap kahit di man ngayon
Mamahalin mo rin
Mamahalin mo rin
(repeat chorus)

Bridge:
Di pa siguro bukas
Di pa rin ngayon
Malay mo balang araw
Dumating din yon
(repeat chorus)

No Effect

I really don't know what to do now. Inisip ko na lahat ng pwede kong gawin pero wala talaga. Una, inisip kong dapat na kitang iwasan dahil alam ko naman na wala naman talaga akong pag-asa sa'yo at hinding hindi mo rin naman ako mapapansin kahit kailan.Tapos naisip ko na wala namang masama sa pag-try basta huwag lang mag-expect.

Alam mo, sinubukan ko naman talaga eh. Sinubukan ko. Promise. Nag-effort talaga ako. Pero wala eh, hindi mo talaga ako mapapansin. Kahit anong gawin ko. Kahit siguro tumambling at gumulong ako sa harap mo, no reaction ka pa din. Mukha ngang iniiwasan mo na ako eh. Ewan ko ba kung paranoid lang ako o talagang iniiwasan mo na ako. Bastaaaaa. I have evidences. I want to ask you na sana kaso madali lang mag-deny at baka lalo mo pa akong iwasan.

Nagyon ko lang narealize na ang complicated pala talaga ng love. Kung love man ito. At sobrang sakit rin pala. Alam mo yun, yung ang sakit sakit na talaga. Hindi ko na talaga alam ang gagawin ko. Okay. Alam ko naman na talaga ang gagawin ko. Kailangan ko ng mag-move on. Kailangan na kitang kalimutan habang maaga pa. Pero paano ko iyon magagawa kung lagi tayong napapagtagpo. Like coincidence. Kasi naman, iniiwasan na kita pero parang mas napapalapit pa tayo sa isa't-isa. Siyempre coincidence lang yun kasi for sure hindi mo rin naman gugustuhin na magkasama tayong dalawa. Period.

Ang akin lang talaga, mahihirapan akong mag-move on kung sobrang liit ng mundo para sa ating dalawa. Halos parehas ang mundong ginagalawan natin, pero buti na lang medyo magkaiba tayo ng panahon. Yeah. You're like older than me. Buti na lang. Yun na nga lang yung consuelo ko sa sarili ko. Hindi talaga tayo bagay.

Sa ngayon, ang hinihintay ko na lang ay malaman kung may mahal ka ng iba at kung sino siya. Malaking tulong iyon sa pagmo-move on ko. (Move on kahit hindi naman naging tayo.) Yun na lang talaga ang magagawa ko sa ngayon, ang maghintay. Anong hinihintay ko? Hindi pa ako sigurado.

Dear You,

Alam mo, nung una pa lang kitang nakilala iba na agad ang tingin ko sa'yo. I don't call it love and I don't believe in love at first sight. Siguro crush na kita noon. Ang pungay kasi ng mga mata mo para bang kapag tinitignan ko napupunta ako sa ibang dimension. Tapos yung ngiti mo, hindi ko rin mapigilang ngumiti. Nakakahawa talaga at nakakatunaw. :")

Tuwing kinakausap kita, hindi ako masyado mapakali. Kinakabahan kasi ako na ewan. Parang sasabog na yung puso ko kapag malapit ako sa'yo. Kapag nag-uusap tayo, ginagawa ko lahat ng makakaya ko para magtuluy-tuloy lang ang pag-uusap natin. Siyempre, hindi naman ako ang priority mo kaya saglit lang tayo nakakapag-usap pero para sa akin ilang oras na yun.

Lahat ng mga bagay na sinasabi mo sa akin lahat yun natatandaan ko. Tuwing pinapansin mo ako, ang mga bagay na suot ko, itsura ko, mga ginagawa ko hindi mo alam kung gaano mo pinapasaya ang puso ko. Kahit nga simpleng ngiti at Hi mo lang kumpleto na ang araw ko.

Ngunit dahil alam kong kahit kailan, hindi mo rin naman ako mapapansin, plano ko ng itigil ang kabaliwang ito. Ang hirap. Ang hirap iwasan ang mga tingin mo at ngiti mo. Hindi ko maiwasang mapatingin sa direksiyon kung nasaan ka. Para akong mababaliw sa kakaisip kung paano ba kita makakalimutan at maiiwasan. Nag-succeed naman ako sa pag-iwas sa'yo ng ilang linngo.

Pero nung napatingin ka sa akin, nung nginitian mo ulit ako, parang lahat-lahat bumalik. Parang lahat ng effort ko sa pag-iwas at paglimot sa'yo ay nawala. Parang kahit minsan hindi kita sinubukang kalimutan. Wala man lang nangyari sa efforts ko, iniwasan nga kita physically, pero andun pa rin lahat ng emotions. LAHAT LAHAT. Nandoon pa rin yung pagkagusto ko sa'yo. Ito na ba ang tinatawag nilang love? Siguro hindi pa. Pero isa lang masasabi ko, gusto kita. Espesiyal ang tingin ko sa'yo. Sana lang ay mapansin mo rin ako.

Nagmamahal,
Ako.

Hi. I exist and I love you.

Hi. I exist and I love you (Let's just call it love okay?). Gusto kong sabihin iyan sa harap niya habang kumakaway pero hindi naman kasi ganun kadali yun. Ipaalam na nga lang na 'I exist' ang hirap ng gawin, iparamdam pa kaya na mahal ko siya?!

Ito ang pinakamahirap na feeling sa buong mundo. Ang magmahal ng isang tao na alam mo naman na kahit kailan, hindi ka niya mapapansin. Yung alam mong ang tingin niya lang sa'yo ay katulad lang din ng tingin niya sa lahat ng tao. Aware ka na kahit kailan hindi niya mamahalin ang isang tulad mo. Masakit 'di ba? Sobrang sakit.

Yung titingin ka lang sa malayo at tititigan yung ngiti niya masaya ka na tapos pinapakinggan mo yung boses niya kahit na hindi naman ikaw kausap niya. Halos gagawin mo na lahat masilayan mo lang ang mga mata niya at makasama mo lang siya. Iibahin mo lahat ng plano mo at i-sasacrifice mo allowance mo dahil lang sa kanya. Ang dami mong gustong sabihin pero kapag nandiyan na siya, ni-'HI' hindi man lang makalabas sa labi mo. Kontento ka na basta ba nakikita mo siya.

Kasi naman tuwing nakikita mo siya, BOOM! Tumitigil ang oras at nawawala ang mga tao sa paligid mo. Feeling mo kayong dalawa lang tao sa mundo. Tapos kapag tiningnan ka na niya sabay ngiti, kunyari poker face ka lang sa labas, pero deep inside! Hihimatayin ka na sa sobrang kilig. Yung feeling na sasabog ka na. Madalas may bonus pa siyang 'Hi' sa'yo pero wala kang nasabi, natameme ka lang. Minsan nagkaka-goosebumps ka pa nga eh. :")

Hay, ang sarap sa feeling 'no? My heart skips a beat ika-nga. Minsan pa nga plinaplano mo na kung ano gagawin mo kapag nandiyan na siya, prinactice mo pa sa salamin lahat ng gusto mong sabihin pero kapag magkaharap na kayo, WALA NA! Nabulilyaso na lahat ng plano mo. Saklap 'no? Wala ka na nga nagawa, nagmumukha ka pang tanga kung minsan o kaya naman kahiya-hiya.

Bakit nga ba ganun 'no? Kahit minsan sobrang sakit na, okay lang. Kahit gusto mo ng sumuko, hindi mo pa rin magawa. Dahil kahit 99.99% sure ka ng hind ka niya kayang mahalin, pinanghahawakan mo pa rin yung natitirang 0.01% na mapapansin ka rin niya.

~~To Be Continued